ඇමෙරිකාවේ වොෂින්ටන් නුවර සෝෆියා හේඩ්න් නම් දියණියක් එකවර ජර්සි 45 ක් ඇඳගනිමින් ගිනස් ලෝක වාර්තාවක් තබා ඇත. ලෝක වාර්තාව තැබීමේදී සෝෆියාට ඇය ඇඳගන්නා සෑම ජර්සියක්ම ඉණ දක්වා පහත් කිරීමට සිදුව ඇති අතර එහිදී ඉරී යන ජර්සි ගිනස් ලෝක වාර්තාව නොසලකා හැර තිබිණ.
සෝෆියා ඇයගේ පවුලේ ලෝක වාර්තාවක් තැබූ ප්‍රථමයා නොවන අතර ඇයගේ මවද ලෝක වාර්තාවකට හිමිකම් කියන්නීය.සොෆියා ලෝක වාර්තාව පිහිටුවීමේදී ප්‍රථමයෙන් කුඩා ප්‍රමාණයේ ජර්සි ඇඳගෙන ඇති අතර පසුව ප්‍රමාණයෙන් විශාල ජර්සි ඇඳ ඇත. සෝෆියා මෙම ලෝක වාර්තාව ඇය ජීවත්වන ප්‍රදේශයේ මහජන පුස්තකාලයේදී තබා ඇති අතර ලෝක වාර්තාව තැබීමෙන් පසුව ජර්සි 45 ඇය පරිත්‍යාග කර තිබිණ.
මීට පෙර මෙම ලෝක වාර්තාවට හිමිකම් කියා ඇත්තේ ප්‍රංශ ජාතික 11 හැවිදිරිදි දරුවකු වන තෝමස් උමම්බෝ විසිනි.තෝමස් 2022 වසරේදී ජර්සි 40 ක් එකවර ඇඳගනිමින් එම ලෝක වාර්තාවට හිමිකම් කියා තිබේ.