විවාහක පුද්ගලයකු සමඟ අනියම් සම්බන්ධයක් ඇති බව තහවුරු වීම හේතුවෙන්, ජපාන රූ රැජින ලෙස කිරුළ දිනූ කැරොලිනා ෂිනෝ නමැති යුවතියට, එම කිරුළ ආපසු බාර දීමට සිදුවී ඇතැයි ජපන් ටැබ්ලොයිඞ් පුවත්පත් වාර්තා කරයි.
ටැබ්ලොයිඞ් පුවත්පත් අනුව, යුක්රේනයේ උපන් ජපන් ජාතිකයකු වන කැරොලිනා ෂිනෝ අනියම් ඇයුරක් පවත්වා ඇත්තේ විවාහක වෛද්‍යවරයකු සමඟය.
ඇය ඒ සම්බන්ධයෙන් තොරතුරු වසං කළ බවත්, රූ රැජින තරගයේ සංවිධායකයන්ට බොරු කී බවත් අනාවරණය වී ඇත.
කෙසේ නමුත් කැරොලිනා ෂිනෝ පවසා ඇත්තේ, තමන් එම වෛද්‍යවරයා ඇසුරු කළේ ඔහු විවාහකයකු බව නොදැන බවය.