ගාල්ල ශ්‍රි හෘදය කන්‍යාරාමයේ ශාලා අංක 02 විභාග මධ්‍යස්ථානයේදී අද පැවති ගණකාධිකරණය 1 ප්‍රශ්න පත්‍රයට පිළිතුරු ලියමින් සිටි තම දරුවන්ට බලවත් අසාධාරණයක් සිදුව ඇතැයි එම දරුවන්ගේ දෙමව්පියෝ පවසති.
ඔවුන් පවසන්නේ දරුවන් ප්‍රශ්න පත්‍රයට පිළිතුරු ලියමින් සිටියදි ඔවුන් ගෙනෙන ලද ගණක(කැල්කියුලේටර්) යන්ත්‍ර ශාලාධිපතිනිය විසින් එකතුකර ගෙන ඇති බවය.
පසුව ශාලාධිපතිනිය දකුණු පළාත් අධ්‍යාපන අධ්‍යක්ෂවරියකට පවසා ඇය විභාග දෙපාර්තමේන්තුවෙන් ලබා ගන්නා ලද උපදෙස් මත පැය භාගයකට පසු ආපසු ඒවා ලබාදි ඇති බවත් එසේ ලබාදි ඇතත් ඒ වන විට ඒවා කලවම්කර නිසා තම තමන්ගේ ගණක යන්ත්‍ර තෝරා ගැනිමටද දරුවන්ට බොහෝ වේලාවක් ගත කරන්නට සිදුව ඇතත් එසේ ගතවු කාල සිමාව වෙනුවෙන් අමතර කාලයක් ලබාදි නැති බවත් දෙමව් පියෝ පවසති.
මව්පියන් පැවසුවේ මේ නිසා දරුවන් හඩමින් විභාග ශාලාවෙන් පිටතට පැමිණි බවය.
මේ සම්බන්ධයෙන් අධ්‍යාපන දෙපරාත්මේන්තුවේ නිලධාරියකුගෙන් විමසුවිට කියා සිටියේ විභාග දෙපාරතමේන්තුව විසින් අනුමත කරන ලද ගණක යන්ත්‍ර හැර සිසුවියන් කිහිප දෙනකු වෙනත් ගණක යන්ත්‍ර ගෙනැවිත් තිබු නිසා ශාලාධිපතිනිය ඒවා ලබාගෙන ඇති බවය.
ඒ සම්බන්ධයෙන් මව්පියන් පැවසුවේ සිසුවියන් විභාග ශාලාවේ වාඩි විමට පෙර ඒවා පරික්ෂා කළ යුතුව තිබු බවය. එනිසා මේ සම්බන්ධයෙන් තම දරුවන්ට සාධාරණයක් ඉටු කරන ලෙසද මව්පියෝ ඉල්ලා සිටිති.
මේ පිළිබඳව විමසිමට විභාගය අවසන්විමෙන් පසු විභාග ශාලාධිපතිනිය හමුවිමට මාධ්‍යවේදින් ගිය අවස්ථාවේ කන්‍යා සොහොයුරියන් දෙදෙනකු සහ පාසලේ මුරකරු මාධ්‍යවේදින්ට දොස් පවරා ඉවත්ව යන ලෙස පවසා දරුවන්ගන් ප්‍රකාශ සටහන්කර ගෙන ප්‍රධාන දොරටුව මග හරවා වෙනත් දොරටුවකින් යවන ලදි.