පොළොන්නරුව ඇතුළු අවට ප්‍රදේශවලට ඇදහැලෙන ධාරානිපාත වර්ෂාව හේතුවෙන් සෝමාවතිය, සුංගාවිල ප්‍රධාන මාර්ගයේ හතර කනුව ප්‍රදේශයේ අඩි තුනක් පමණ ජලය යටවීමත් සමග එහි වාහන ගමනා ගමන කටයුතු සම්පූර්ණයෙන් ඇණ හිට තිබෙන බව සෝමවතිය පොලිසිය කියයි.
මහවැලි ගඟ පිටාර ගැලීම හේතුවෙන් ප්‍රදේශයේ පහත් බිම් රැසක් ජලයෙන් යට වී තිබෙන අතර සෝමවතිය සුංගාවිල මාර්ගයේ හතර කනුව ප්‍රදේශයේ මෙලෙස අඩි තුනක් පමණ ජලයෙන් යටවීමත් සමග 18 වෙනිදා සිට වාහන ගමනාකම කටයුතු නතර කර තිබෙන බව තිබෙන බව පොළොන්නරු ආපදා කළමනාකරණ කාර්යාලය සඳහන් කරයි.
මහවැලි ගඟ සුංගාවිල ප්‍රදේශයේ පිටාර ගැලීම හේතුවෙන් පොලිස් ස්ථානය ද ජලයෙන් යටව පවතින බව සෝ මාවතිය පොලිස් ස්ථානාධිපති ඊ.එම්.පී.ඒ. සෙනවිරත්න මහතා අප කළ විමසීමකදී සඳහන් කළේය.
කෙසේ වෙතත් සෝමාවතිය පුදබිම ජලයෙන් යට වී නොමැති අතර පුදබිමට ළඟා වීම සඳහා විකල්ප මාර්ගයක් ලෙස වැලිකන්ද, සිංහපුර මාර්ගය භාවිතා කළ හැකි බව පොළොන්නරුව ආපදා කළමනාකරන සහකාර අධ්‍යක්ෂ රංජිත් අලහකෝන් මහතා සඳහන් කළේය.
පොළොන්නරුව සුංගාවිල මාර්ගය සම්පූර්ණ වසා තිබෙන බවත්, පවතින අධික වර්ෂාපතනය හේතුවෙන් පොළොන්නරුව දිස්ත්‍රික්කයේ ප්‍රධාන ජලාශ වන පරාක්‍රම සමුද්‍රය, මින්නේරිය, කවුඩුල්ල, ඇතුළු සෙසු ජලාශ පිටාර මට්ටමේ පවතින බවද අලහකෝන් මහතා කීය.