වලවේ ගඟ උතුරා යෑ‍ම හේතුවෙන් අද (23) අම්බලන්තොට ප්‍ර දේශයේ ගම් රැසක පහත් බිම් ජලයෙන් යටවී ඇති බව හම්බන්තොට ආපදා කළමණාකරණ මධ්‍යස්ථානය කියයි.
අම්බලන්තොට වලවේ ගඟ පිහිටි ගංඉවුර දෙපස පහත් බිම් මෙලෙස ජලයෙන් යටවි ඇත. බෝලාන දකුණ, මැලේ කොළණිය, වැටිය, පල්ලේරොට, මාමඩල, ජංසගම, වාඳුරුප්ප, ලියන්ගස්තොට, ඇතුළු පහත්බිම් පිහිටි ගම් රැසක ජනතාව ගඟ පිට ආර ගැලීමෙන් පීඩාවට පත් වී සිටිති.
අම්බලන්තොට ථෙරපුත්ත ප්‍රාථමික විද්‍යාලයේ ගොඩනැගිලි දෙකක් හා සනීපාරක්ෂක පද්ධතිය මුළුමනින්ම ජලයෙන් යටවී ඇත. ඒ හේතුවෙන් පාසල නිවාඩු දී ඇති බව විදුහල්පතිනි වින්ධ්‍යා කොඩිතුවක්කු මහත්මිය සඳහන් කළාය.
ථෙරපුත්ත ජාතික පාසලේ ද පැමිණ සිටි සියළුම පාසල් ශිෂ්‍ය ශිෂ්‍යාවන් නිවෙස් වෙත යැවීමට වහා පියවරගෙන පාසල වසා දැමීමට පියවර ගත් බව විදුහල් පතිවරයා සඳහන් කලේය.
අම්බලන්තොට රජයේ රෝහලටද ගංවතුර තර් ජනය එල්ල වීමේ අවදානමක්පවතින හෙයින් නේවාසික රෝගීන් හම්බන්තොට මහ රේාහලට මාරුකර යැවීමට පියවර ගනීමට කටයුතු කරන බවද එහි ප්‍රකාශකයෙක් කීය.