හයිලෙවල් මාර්ගයේ කොස්ගම අලුත් අම්බලම ප්‍රදේශයේ දී බස් රථයක් මතට මාර්ගය අයිනේ තිබූ විශාල අඹ ගසක් කඩා වැටීමෙන් අනතුරක් සිදුව ඇතැයි කොස්ගම පොලිසිය පවසයි.
ධාවනය වූ බස් රථය මතට ගස වැටෙනවාත් සමග එය දැක ඇති බස් රථයේ රියදුරු එක්වරම තිරිංග තද කිරීම නිසාවෙන් සිදු වීමට ගිය විශාල අනතුරක් වැලැකී ගොස් ඇත.
අනතුරින් සුළු තුවාල ලැබූ බස් මගීන් සාලාව දිසා රෝහලට සහ අවිස්සාවේල්ල මූලික රෝහලට ඇතුලත් කර ඇත
එම අඹ ගස ඇද වැටීම නිසාවෙන් බස් රථයේ ඉදිරිපස විශාල අලාභහානි සිදුව ඇති බවද පොලිසිය පවසයි.
අදාල ගස මාර්ගය හරහා ඇද වැටීම හේතුවෙන් හයිලෙවල් මාර්ගය අවහිර වීම නිසාවෙන් ගමනාගමන කටයුතු ද ඇණ හිට තිබූ බවත් කොස්ගම පොලිසිය ප්‍රදේශවාසීන් එක්ව ගස ඉවත් කිරීමේ කටයුතු සිදු කල බවද කොස්ගම පොලිසියේ උසස් නිළධාරියෙකු පැවසීය.