ඊශ්‍රායල සහ පලස්තීන හමාස් ඉස්ලාමීය සටන්කාමීන් අතර ආරම්භ වී ඇති යුද්ධයේ අවසානයක් දැකීම සඳහා එරට අග්‍රාමාත්‍ය බෙන්ජමින් නෙදන්යාහු සහ මධ්‍යවාදී විපක්ෂ නායක බෙනී ගාන්ට්ස් හදිසි එක්සත් රජයක් පිහිටුවීමට එකඟ වී ඇත.
ඒ අනුව අග්‍රාමාත්‍ය බෙන්ජමින් නෙදන්යාහු, බෙනී ගාන්ට්ස් සහ ආරක්ෂක අමාත්‍ය යොඇව් ගලාන්ට්ගෙන් සමන්විත යුද කැබිනට්ටුවක් පිහිටුවීමට එකඟ වූ බව බෙනී ගාන්ට්ස්ගේ ජාතික සමගි පක්ෂය ඒකාබද්ධ ප්‍රකාශයක් නිකුත් කරමින් ප්‍රකාශ කළේය.
එම කැබිනට්ටුව මගින් හමාස් සංවිධානයට එරෙහි යුද්ධයට අදාළ තීරණ පමණක් ගනු ඇති බවත් ඉන් පිටත කිසිඳු තීරණයක් නොගනු ඇති බවත් එම ප්‍රකාශයේ දැක්වේ.
බෙනී ගාන්ට්ස් දේශපාලනඥයෙකු මෙන්ම හිටපු ආරක්ෂක ප්‍රධානියෙකුද වේ.