ප්‍රදේශ දෙකක දී දුම්රියේ ගැටීමෙන් වන අලින් 06 දෙනෙකු මියගොස් තිබේ.
ගල්ගමුව හා හබරණ ප්‍රදේශවල දී මෙම අනතුරු සිදු ව ඇති බව පොලීසිය පවසයි.
ඊයේ (27) රාත්‍රී 12ට පමණ ගල්ගමුව ප්‍රදේශයේ දී කොළඹ සිට කන්කසන්තුරය බලා ධාවනය වූ රාත්‍රී තැපැල් දුම්රියේ ගැටීමෙන් වන අලින් සිව් දෙනෙකු මියගොස් ඇති බව වාර්තා වේ.
හබරණ, පලුගස්වැව ප්‍රදේශයේ ද මඩකලපුව සිට කොළඹ බලා ධාවනය වූ මීනගයා දුම්රියේ ගැටීමෙන් වන අලින් දෙදෙනෙකු මිය ගොස් ඇති බව පොලීසිය පවසයි.
රාත්‍රී 12යි 30ට පමණ සිදු වූ මෙම අනතුරෙන් මාස එකහමාරක් පමණ වයසැති අලි පැටවා එම අවස්ථාවේ ම මියගොස් ඇති අතර, තුවාල ලැබු ඇතින්න අද දහවල් මියගොස් ඇත.
මෙම සිද්ධීන් සම්බන්ධයෙන් ගල්ගමුව සහ රිටිගල වනජීවී කාර්යාල මඟින් වැඩිදුර විමර්ශන ක්‍රියාත්මකයි.