මෙරට මුහුදු සීමාවට පැමිණෙන නෞකාවලින් තෙල් කාන්දුවීම් සිදුවන්නේ දැයි චන්ද්‍රිකා තාක්ෂණය ඔස්සේ නිරීක්ෂණය කිරීමට අදාළ අවබෝධතා ගිවිසුමකට අත්සන් තබා තිබේ.
ප්‍රංශ රජය සහ ශ්‍රී ලංකා සමුද්‍රීය පරිසර ආරක්ෂණ අධිකාරිය අතර එම ගිවිසුමට අත්සන් තබා ඇති බව වාර්තා වෙයි.
මෙරට මුහුදු තීරයට පැමිණෙන නෞකාවලින් තෙල් කාන්දුවීමේ සිදුවීම් පසුගිය සමයේ වාර්තා වූ අතර ඉන් මෙරට සමුද්‍ර ජීවින්ට සහ සමුද්‍ර පරිසර පද්ධතියට දැඩි බලපෑම් එල්ල වුණි.
ඒ හේතුවෙන් මෙම තත්ත්වයන් නිරික්ෂණය කිරීමට අවධානය යොමුව ඇති අතර ඊට අදාළ අවබෝධතා ගිවිසුමට අත්සන් තැබීම අද දිනයේ සිදුකෙරුණි.