වැඩකරන ජනතාව තවත් පීඩාවට පත් කරෙන කම්කරු නීතිවලට එරෙහිව සියලු දෙනා විරෝධය පල කළ යුතු බව ජනතා විමුක්ති පෙරමුණේ වසන්ත සමරසිංහ මහතා අවධාරණය කරයි.
යෝජිත කම්කරු නීතිවලට එරෙහිව කොටුව දුම්රියපොළ ඉදිරිපිට දී අත් පත්‍රිකා බෙදීමේ අවස්ථාවට එක්වෙමින් ඔහු මේ බව කියා සිටියේය
එහි දී වැඩිදුරටත් අදහස් දැක්වූ වසන්ත සමරසිංහ මහතා,
”ජාත්‍යන්තර මූල්‍ය අරමුදලේ වුවමනාවට අද රටේ කම්කරු නීති 13ක් එක පොකුරට ගෙනල්ලා, සංශෝධනය කරලා රටේ කොහෙවත් නැති පැය 08 වැඩ දිනය අහෝසි කරලා ලංකාවෙ නෙවෙයි ලෝක ඉතිහාසයේ මිනිස්සු සටන් කරලා දිනාගත්ත, තහනම් කරලා තිබුණ නීති සංශෝධනය කරලා, කාන්තාවන්ගෙන් රාත්‍රී සේවය ගන්න, දරුවන්ගෙන් වැඩ ගන්න, අතිකාල නැතුව වැඩගන්න අලුත් නීති ගේන්න හදනවා ජනවරමක් නැති ආණ්ඩුව. ලෝකෙ පැය 08 වැඩ කළේ එක්දාස් අටසිය ගණංවල. දැං ලෝකෙ මිනිස්සු වැඩ කරන්නෙ පැය 06යි. රාත්‍රියේ කාන්තාවන් සේවයේ යොදවන්න ලෝකයේ නීති නෑ. ඒ වෙනුවට තියෙන්නේ රාත්‍රී සේවයේ යොදවන එක නෙවෙයි. ඒ වෙනුවට මිනිස්සුන්ට පහසුකම් සපයන්න. අතිකාල වැඩ කරන්න නෙවෙයි. පැය 08ක් වැඩ කළාම ජීවත් වෙන්න පුළුවන් පඩියක් දෙන්න. ඒ නිසා වැඩ කරන ජනතාව දැනුවත් කරමින් අපි කියන්න ආවේ මේ ඊනියා කම්කරු නීති වහාම හකුලගන්න. මේ කම්කරු නීති පරාජය කරන්න රටේ වැඩ කරන ජනතාව එකතු කරමින් මේ කම්කරු නීති පරාජය කරන්න අවශ්‍ය වැඩසටහන අපි ඉදිරියටත් කරනවා”