නැගී එන කණ්ඩායම් අතර පැවැත්වෙන ආසියානු කුසලාන ක්‍රිකට් තරගාවලිය අද ආරම්භ වනවා.
මෙම තරගාවලිය පැවැත්වෙන්නේ ශ්‍රී ලංකාවේදීයි. පළමු තරගයට සත්කාරක ශ්‍රී ලංකා ඒ කණ්ඩායම හා බංග්ලාදේශ ඒ කණ්ඩායම තරග බිමට පිවිසෙනවා.
ඒ, කොළඹ ආර් ප්‍රේමදාස ක්‍රීඩාංගනයේදීයි.
ශ්‍රී ලංකා ඒ කණ්ඩායම මෙහෙයවීමේ වගකීම මෙවර පැවරී ඇත්තේ නවක ක්‍රීඩක දුමිත් වෙල්ලාලගේටයි.
තරගාවලියට නම් කළ ශ්‍රී ලංකා සංචිතයට ජ්‍යෙෂ්ඨ ක්‍රීඩකයින් රැසක් ඇතුළත්ව සිටිනවා. ඒ අතරට චාමික කරුණාරත්න, අවිශ්ක ප්‍රනාන්දු, සහන් ආරච්චිගේ සහ අශේන් බණ්ඩාර අයත්.
තරගාවලියේ තවත් තරගයක් අද පැවැත්වෙන අතර ඇෆ්ගනිස්තා සහ ඕමාන ඒ කණ්ඩායම් එහිදී තරග බිමට පිවිසෙනවා.
මෙම තරගාවලියට කණ්ඩායම් 08 ක් එක්වනවා.
ශ්‍රී ලංකාව, ඉන්දියාව, පකිස්තානය, ඇෆ්ගනිස්තානය, බංග්ලාදේශය, එක්සත් අරාබි එමීර් රාජ්‍යය, ඕමානය සහ නේපාලය එම කණ්ඩායම් 08 යි.