කුඩා හා මධ්‍ය පරිමාණ ව්‍යවසායකයන්ගේ මූලික ගැටලු විසඳීම සඳහා පාර්ලිමේන්තු කමිටුවක් පත්කරන ලෙස සමගි ජන බලවේගයේ කොළඹ දිස්ත්‍රික් මන්ත්‍රී ආචාර්ය හර්ෂ ද සිල්වා මහතා පාර්ලිමේන්තුවේ දී පැවසීය.
ව්‍යවසායකයන්ගේ ප්‍රශ්න විසඳීම සඳහා පාර්ලිමේන්තුවේ සියලු පක්ෂ එකතු වී කටයුතු කළ යුතුව තිබෙන බවද හර්ෂ ද සිල්වා මහතා සඳහන් කළේය.
කුඩා ආයතන වලට පවා 30% ක බද්දක් ගහන බව කී හර්ෂ ද සිල්වා මහතා මේවා ගෙවන්නේ කොහොමදැයි ප්‍රශ්න කළේය.
සමහර අමුද්‍රව්‍ය ආනයනය තහනම් කර තිබෙන හෙයින් ව්‍යවසායකයින් දැඩි අසීරුතාවයකට මුහුණ දී සිටින බවද හර්ෂ ද සිල්වා මහතා සඳහන් කළේය.
කුඩා හා මධ්‍ය පරිමාණ පරිමාණ ව්‍යවසායකයන් ලයිට් බිල වැඩිවීම දරා ගන්නේ කෙසේදැයි හර්ෂ ද සිල්වා මහතා ප්‍රශ්න කළේය.
“කුඩා සහ මධ්‍යම පරිමාණ ව්‍යාපාර ඇතුළු ශ්‍රී ලංකාවේ කර්මාන්ත ක්ෂේත්‍රය මුහුණ පාන ගැටලු” පිළිබඳ සභාව කල්තැබීමේ යෝජනාව ඉදිරිපත් කරමින් හර්ෂ ද සිල්වා මහතා මේ බව කීය.