ගම්පොළ, බෝතලාපිටිය ප්‍රදේශයේ දී මහවැලි ගඟේ දියනෑමට ගිය සිසුවෙකු දියේ ගිලී මියගොස් තිබේ.
ඊයේ (29) දහවල් කාලයේ එම අනතුර සිදුව ඇති බව පොලීසිය පවසයි.
මෙලෙස මියගොස් ඇත්තේ 15 හැවිරිදි ගම්පොළ කහටපිටිය ප්‍රදේශයේ පදිංචිව සිටි දරුවෙකි.
පොලීසිය පැවසුවේ මෙම දරුවා දිය නාමින් සිටිය දී දියේ ගිලී බරපතළ තත්ත්වයෙන් ගම්පොළ රෝහලට ඇතුළත් කිරීමේදී මිය ගොස් ඇති බවය.
කෙසේවෙතත් සිද්ධිය සම්බන්ධයෙන් ගම්පොළ පොලීසිය පරීක්ෂණ සිදුකරයි.