දිවයිනේ බොහෝ ප්‍රදේශවලට මෙන්ම මධ්‍යම කඳුකරයේ ඇතැම් ප්‍රදේශවලට පසුගිය දින කිහිපය පුරා අධික වර්ෂාපතනයක් ලැබුණද මහවැලි ගඟ තවමත් පතුලටම සිඳී ගොස් ඇති අයුරු ඊයේ (16දා)දිස් වූයේය.
මහවැලි ගඟ මෙලෙස සිඳී යෑම නිසා ජල විදුලිය නිපදවීමට ද ප්‍රමාණවත් ජලය ලබාගත නොහැකි වී තිබේ. කුණ්ඩසාලේ මැදදුම්බර ඇතුළු ප්‍රාදේශීය ලේකම් කොට්ඨාස කිහිපයක පවුල් 30,000 කට පමණ උග්‍ර පානීය ජල හිඟයක්ද පවතින බව ප්‍රදේශයේ ජනයා පවසති. ඔවුන් පවසන්නේ තමන්ට දින හය හතකින් පැය කිහිපයක් පමණක් ජලය ලැබෙන නමුත් එය කිසිසේත් ප්‍රමාණවත් නොවන බවයි.