ශ්‍රී ලංකා නිදහස් පක්ෂයේ වැඩ බලන ප්‍රධාන ලේකම්වරයා ලෙස එහි නියෝජ්‍ය මහලේකම් සරත් ඒකනායක මහතා පත්කරනු ලැබ ඇත.
පක්ෂ සභාපති, හිටපු ජනාධිපති මෛත්‍රිපාල සිරිසේන මහතා මෙම පත්කිරීම සිදුකර තිබේ.
ශ්‍රී ලංකා නිදහස් පක්ෂයේ ප්‍රධාන ලේකම්, පාර්ලිමේන්තු මන්ත්‍රී දයාසිරි ජයසේකර මහතා විදේශගත වී ඇති බැවින් ඔහු දිවයිනට පැමිණෙන තෙක් මෙම පත්කිරීම සිදුකර ඇති බව එම පක්ෂ ආරංචි මාර්ග පවසයි.
සරත් ඒකනායක මහතා මධ්‍යම පළාත් හිටපු ආණ්ඩුකාරවරයකු ද වේ.