මාතර බලා ධාවනයවූ සීඝ්රහගාමී දුම්රියේ ගමන් ගත් රුසියන් ජාතික යුවළකගේ ලැප්ටොප් පරිඝනක දෙකක් අඩංගු ගමන් මලු දෙක සොරකම් කිරීම සම්බන්ධයෙන් ලද පැමිණිල්ලක් අනුව පරීක්ෂණ ආරම්භ කළ බව පානදුර දකුණ පොලිසියේ පොලිසිය පවසයි.
හික්කඩුවේ සංචාරක නිකේතනයක නවාතැන් ගෙන සිටින ඔර්ලෝ ඔලේග් නැමැති 32 හැවිරිදි රුසියානුවා විසින් අද 8 ට පමණ ලද පැමිණිල්ලක් අනුව මෙසේ පරීක්ෂණ ආරම්භ කර ඇතැයි පොලීසිය සඳහන් කරයි.
රුසියානු ජාතික යුවළ මරදාන සිට මාතර බලා ධාවනයවූ දුම්රියෙන් කොළඹ සිට හික්කඩුව බලා ගමන් කර ඇති අතර, ඔවුන්ගෙන් ලැප්ටොප් දෙක අඩංගු ගමන් මලු දෙක දුම්රිය රාක්කයේ තබා අසුන්ගෙන සිට ඇතැයි සඳහන් වේ.
පානදුර දුම්රිය ස්ථානයට දුම්රිය ළගාවන විට දුම්රිය මැදිරි තුළ දැඩි තදබදයක් හටගෙන ඇති අතර, එහිදී ඉදිරියෙන් සිටී කළු පැහැති ටී ෂර්ට් එකක් ඇද සිටි පුද්ගලයකු ලැප්ටොප් දෙක අඩංගු ගමන් මලු දෙක රැගෙන ගොස් ඇති බවත්, ඔහු නැවත දුටුවහොත් හඳුනාගත හැකි බවත් පවසා ඇතැයි පැවසේ.
සිද්ධියත් සමගින් දුම්රිය මද වේලාවක් පානදුර දුම්රිය ස්ථානයේ නවතා තිබී පසුව පිටත් වූ බව දුම්රිය ප්‍රකාශකයෙක් පැවසීය.
අගතියට පත් රුසියන් ජාතික යුවළ පානදුර දකුණ පොලිසියට පැමිණ පැමිණිලි කර පෞද්ගලික බස් රථයකින් හික්කඩුව බලා පිටත්ව යන අයුරු දැකගත හැකි විය