චීනය නිකුත් කරන කොවිඩ් දත්ත සම්බන්ධයෙන් ජාත්‍යන්තරය තුළ තවදුරටත් සැක මතුවෙමින් ඇතැයි විදෙස් මාධ්‍ය වාර්තා කරයි.
බ්‍රිතාන්‍යයේ සෞඛ්‍ය දත්ත නිකුත් කරන බ්‍රිතාන්‍ය ආයතනයක වාර්තා උපුටා දක්වමින් විදෙස් මාධ්‍ය පෙන්වා දෙන්නේ චීනය තුළ මේ වනවිට කොරෝනා වෛරසය හේතුවෙන් සිදුවී ඇති පුද්ගල මරණ 584,000ස ඉක්මවා ගොස් තිබිය හැකි බවය.
එමෙන්ම එළඹෙන අප්‍රේල් මාසය අවසන් වනවිට චීනයේ කොවිඩ් මරණ මිලියන 1.7 ක් පමණ වනු ඇති බවද ඔවුන් පෙන්වා දී ඇත.
කෙසේවෙතත් චිනය මේ වනවිට වාර්තා කර ඇත්තේ ඉකුත් දෙසැම්බර් 08 වනදා සිට ජනවාරි 12 වනදා දක්වා එරට තුළ කොරෝනා හේතුවෙන් මරණ 60,000 ක් සිදුවී ඇති බව යන්නද විදෙස් මාධ්‍ය පවසයි.
ඒ අනුව රටේ කොවිඩ් ව්‍යාප්තිය සම්බන්ධයෙන් තවදුරටත් සත්‍ය තොරතුරු හුවමාරු කරගන්නා ලෙස ලෝක සෞඛ්‍ය සංවිධානය චීනයෙන් ඉල්ලීමක් කර තිබේ.