හිටපු විදුලිබල ඇමතිවරයෙක් රුපියල් ලක්‍ෂ 56 ක සහ තමත් හිටපු අමාත්‍යවරයෙක් රුපියල් ලක්‍ෂ 23ක් ලෙස මේ වන විට මරණයට පත්ව ඇති හිටපු පාර්ලිමේන්තු මන්ත්‍රීවරු විදුලිබල මණ්ඩලයට රුපියල් කෝටි ගණනක විදුලි ගාස්තු ගෙවීම් පැහැර හැර ඇති බව ලංකා විදුලිබල මණ්ඩල එක්සත් වෘත්තීය සමිති සන්ධානයේ කැඳවුම්කරු රංජන් ජයලාල් මහතා අද (20) පැවසීය.
මියගිය සහ හිටපු අමාත්‍යවරුන් ඇතුළු පාර්ලිමේන්තු මන්ත්‍රීවරු 82 ක් විදුලි ගාස්තු රුපියල් කෝටි ගණනක් ගෙවා නොතිබුණ ද එම නිවෙස්වල විදුලිය විසන්ධි නොකරන විදුලිබල මණ්ඩල බලධාරීන් ආර්ථික දුෂ්කරතා ඇති ජනතාවගේ සුළු විදුලි ගාස්තුවක් නොගෙවූ විට විදුලිය විසන්ධි කරන බව කී ජයලාල් මහතා සියලු දෙනාට එකම නීතිය ක්‍රියාත්මක කිරීමට ජනතාව ඉදිරියට පැමිණිය යුතු බව ද සඳහන් කළේය.