ඕමානයේ සිදුවන මිනිස් වෙළෙඳාම් සහ කාන්තාවන්ට සිදුවන ලිංගික අතවරයන් පිළිබඳව මාධ්‍ය පසුගිය දිනවල දිගින් දිගටම අනාවරණය කළේය.
එවැනි පසුබිමක ඩුබායි සුද්දා නොහොත් නිශාන්ත ප්‍රියදර්ශන ඊයේ (03) මාධ්‍ය හමුවක් පවත්වමින් ඕමානයේදී ලිංගික අතරවයට ලක්වූ තරුණියන් පිළිබඳව මාධ්‍යට ඉදිරිපත් කළේ වීඩියෝ සාක්ෂි ද සහිතවය.
එම වීඩියෝ පටයේ සඳහන් වූ තරුණිය පැවසුවේ තමන් සේවය කරන නිවසේ සිටින ගෘහ මුලිකයා මෙන්ම අවුරුදු 16ක් වැයසැති ඔහුගේ පිරිමි දරුවා අතින් ද නිරන්තරයෙන් ලිංගික අපයෝජනයට ලක්වෙන බවය.
“මං ඉන්න ගෙදර අපේ බාබාගේ වයස අවුරුදු 16 කොල්ලෙක් ඉන්නවා. ඒ දෙන්නගෙන් පුදුමාකාර විදිහයට ලිංගික අපයෝජනයට ලක්වෙනවා. මගේ ශරීරයෙන් අල්ලනවා.බදාගන්නවා. මං හැමදාම මමාට කියනවා මට මෙහෙම දෙයක් තියෙනවා කියලා. නෑ ඉෂාරා කවදාවත් ඔයාගේ බාබා එහෙම නෑ. එයා වැඩට යනකම් ඉදලා මගෙන් අයුතු ප්‍රයෝජන ගන්නවා.”
මේ සම්බන්ධයෙන් අදහස් දැක්වූ ඩුබායි සුද්දා නොහොත් නිශාන්ත ප්‍රියදර්ශන,
“මේ හෙළිදරව්වේ තියෙන්නේ ඕමාන් රටේ වයස අඩු ගැහැණු ළමයෙක් ගැන. මේ අසරණ දරුවෙක් වයස 21යි. ඕමාන් රටේ ගෙදරක වැඩ කරන්නේ. තාත්තා ලිංගික අතවර කරනවා. ගෙදර පුතාලා කරදර කරනවා.”
“ටික් ටොක් හරහා තමයි රට ඉන්න අය සම්බන්ධ වුණේ. රන්ජන්ට කරන්න බැරි වුණ දේ ඩුබායි සුද්දා කරලා තියෙනවා. ඩුබායි සුද්දාගෙ කට වහන්න බෑ. මගේ ටික් ටොක් ගිණුමේ සියලුම වීඩියෝ අයින් කරලා. කිසිම වීඩියෝ එකක් නෑ. ඕමාන් රටේ ප්‍රශ්නේ ඉවර නෑ. කුෂාන් හිරේ දැම්මට ප්‍රශ්නේ ඉවර නෑ.”