පවතින ආර්ථික අර්බුදය හමුවේ දේශීය කාර්මාන්ත දිරිගැන්වීමට ආණ්ඩුව කටයුතු නොකරන බව විමල් වීරවංශ මන්ත්‍රීවරයා පවසයි.
ඔහු පවසන්නේ, ආණ්ඩුවේ ක්‍රියාකලාපය හේතුවෙන් ඇතැම් කර්මාන්ත ශාලා ද වැසියාමේ අවදානමක් මතුව ඇති බවය.
ගාල්ල ප්‍රදේශයේ පැවැති උත්තර ලංකා සභාගයේ රැස්වීමකට එක්වෙමින් විමල් වීරවංශ මන්ත්‍රිවරයා මේ බව කියාසිටියේය.
“මේ වෙලාවේ මේ ආර්ථික අර්බුදය ඇතුළේ මේ රටේ දේශීය කර්මාන්තකරුවා හතර ගාතෙන් වටට්න විදිහ තීරණ ක්‍රියාත්මක කරන්නේ. මේ වැටිච්ච වෙලාවෙවත් බලන්නේ නැහැ දේශීය කර්මාන්තකරුවාව ආරක්ෂා කරන්නේ කොහොමද කියලා. දේශීය කර්මාන්තකරුවා අද බෙල්ල මුලින් හිරකරගෙන ඉන්නේ. වැටිච්ච වෙලාවේ, නැගිට්ටුවන්න ඕනෙ වෙලාවේ.
ඒ නිසා ඔබතුමාලාට පේනවා වැරදි ආර්ථික මොඩලය කරගහගෙන ඒ මේ ප්‍රතිවිපාකයට තමයි අද අපි මේ මුහුණදීලා ඉන්නේ. ඒ නිසා මෙතැනින් එහාටවත් ඒ මොඩලයෙන් එළියට එන්න අපිට පුළුවන් වෙන්න ඕනේ. ඒ වැරිදි උපාය මාර්ගයෙන් එළියට එන්න පුළුවන් වෙන්න ඕනේ. ප්‍රපාතයකට ඇද වැටුනට පස්සේත් මොළයට ලාභයක් වෙන්නේ නැත්නම් ඒක ඉතා බරපතළ අවාසනාවක්. දැන් මේ මොකක්ද කරන්න යන්නේ ? මේ අර්බුදයම පාවිච්චි කරනවා සාමාන්‍ය කාලයකදී කරන්න බැරි වුණ අපරාධ ටික කරන්න. ආර්ථික අපරාධ ටික කරන්න. මූලඋපායික ලෙස වැදගත් ආර්ථික මරමස්ථාන ටික විකුණලා දාන්න. ඒක සාමාන්‍ය වෙලාවක දී කරනගන්න බැරි වුණාට මේ ගොල්ලෝ හිතනවා මේ අර්බුදය ඇතුළේ මේක කරන්න පුළුවන් එමගින් වෙන්නේ දිර්ඝකාලීන අර්බුදකාරී සමයකට අපේ මුළු මහත් ජන සමාජය ගොදුරුවීම.”