කුඩාඔය ඉඩමක වලදමා තිබූ ගිනි අවි සහ පතරොම් තොගයක් ගොඩට

0
60

ඌව, කුඩාඔය ප්‍රදේශයේ ඉඩමක වලදමා තිබී පිස්තෝල හා පතරොම් තොගයක් සොයා ගෙන තිබේ.

රිපීටර් ගිනි අවි 02ක්, ෂොට්ගන් 02ක්, මෙරට නිෂ්පාදිත පිස්තෝලයක්, T56 උණ්ඩ 342ක් , එම්.අයි 16 වර්ගයේ උණ්ඩ 75ක් හා පතරොම් 593 ක් මෙසේ ගොඩ ගෙන ඇත.

යුද හමුදා මාධ්‍ය ප්‍රකාශක බ්‍රිගේඩියර් සුමිත් අතපත්තු මහතා කියා සිටියේ, අද(13) උදෑසන මෙම මෙහෙයුම සිදු කල බවයි.

කෙසේ වෙතත් මෙම සෝදිසි මෙහෙයුම පොලීසියට ලද තොරතුරක් මත සිදු කර ඇති අතර, ඌව, කුඩාඔය කමාන්ඩෝ පුහුණු කඳවුරට ගමන් ගන්නා මාර්ගය ආසන්නයේ මෙම ඉඩම පිහිටා ඇති බව ද හමුදා මාධ්‍ය ප්‍රකාශකවරයා සඳහන් කරයි.