ආණ්ඩුව ආර්ථසාධකේ කොල්ලකන්න යනවා – වසන්ත සමරසිංහ

0
231

දැනට කඩා වැටී ඇති කොටස් වෙළෙඳපොළ ගොඩගැනීම සඳහා සේවක අර්ථසාධක අරමුදල කොල්ල කෑමට රජය උත්සාහ කරන බව අන්තර් සේවක සංගමයේ සභාපති වසන්ත සමරසිංහ මහතා පැවසීය.

ඒ සඳහා සේවක අර්ථ සාධක අරමුදලේ මුදල් කොටස් වෙළෙදපලෙහි ආයෝජනය කිරිම වෙනුවෙන් වන ධවල පත්‍රිකාවක් ගෙන ඒමට රජය සුදානම් වන බව ද වසන්ත සමරසිංහ මහතා සඳහන් කළේය.

සේවක අර්ථසාධක අරමුදල් කොටස් වෙළෙඳපොළහි ආයෝජනය කිරීම සිදුවන්නේ සියයට 5ක පමණ සීමාවක් යටතේ බව කී සභාපතිවරයා එම සීමාව ඉවත් කිරීමට මෙම පත්‍රිකාව හරහා රජය උත්සාහ ගන්නා බව ද කීවේය. වසන්ත සමරසිංහ මහතා මේ බව පැවසුවේ මරදානේ පිහිටි සමාජය හා සාමයික කේන්ද්‍රයේදී අද (13) පැවති මාධ්‍ය හමුවක් අමතමිනි.

වත්මන රජය සේවක අර්ථ සාධක අරමුදල උකස් කර ඩොලර් මිලියන 300 ක ණය මුදලක් ලබා ගැනීම සඳහා 2016 වසරේ ගිවිසුම අත්සන් කර ඇති අතර මේ වන විටත් එයින් ඩොලර් මිලියන 125 ක ණය මුදලක් ලබාගෙන ඇති බවද ඔහු සඳහන් කළේය.