තැපැල් ඡන්දයේ ඡායාරූප ගත් හමුදා සෙබළෙක් අත්අඩංගුවට

0
11
Close up of male hands in bracelets behind back

තැපැල් ඡන්දය සලකුණු කරන අවස්ථාවේ තම ඡන්ද පත්‍රිකාව ඡායාරූප ගත කළ යුද හමුදා සෙබළෙකු මොණරාගල පොලිසිය විසින් අත්අඩංගුවට ගෙන ඇත.

ජනාධිපතිවරණයට අදාළව තැපැල් ඡන්දය භාවිත කිරීමට ලබාදී තිබූ අවසන් දිනය වන ඊයේ දිනයේ මොණරාගල දිස්ත්‍රික් ලේකම් කාර්යාලයේ දී ඡන්දය භාවිත කළ යුද හමුදා සෙබළෙකු මෙලෙස අත්අඩංගුවට ගෙන ඇති බව සඳහන්.

එම හමුදා සෙබළා ඡන්දය සලකුණු කර එය ඡායාරූප ගත කර ඇති අතර එය නිරීක්ෂණය කළ එම මධ්‍යස්ථානයේ සිටි මැතිවරණ නිලධාරීන් විසින් ඔහු මොණරාගල පොලිස් ස්ථානයට භාරදී ඇති බවයි වාර්තාවන්නේ.

මෙලෙස අත්අඩංගුවට ගෙන ඇත්තේ ඕමල්පේ, කරගහලියද්ද ප්‍රදේශයේ පදිංචි, වරුණගම යුද හමුදා කඳවුරට අනුයුක්තව රාජකාරී කරන යුද හමුදා සෙබළෙකු බවයි වාර්තා වන්නේ.

සැකකාර සෙබළා අද මොණරාගල මහේස්ත්‍රාත් අධිකරණයට ඉදිරිපත් කිරීමට නියමිතයි.