හිටපු LTTE සාමාජිකයෙක් හා කතුන් දෙදෙනෙක් පුපුරණ ද්‍රව්‍ය සමග අත්අඩංගුවට

0
11

සේරුනුවර පොලිස් වසමේ දී සැකකරුවෙකු ටී 56 ගිනි අවියක් සමඟ අත්අඩංගුවටට ගෙන ඇත.

සේරුනුවර පොලිස් වසමේ කිලිවෙඩ්ඩි පාලම අසලදී සේරුනුවර යුද හමුදා කඳවුරේ නිලධාරියෙකුට ලද තොර තොරතුරක් මත මෙම අත්අඩංගුවට ගැනීම් සිදු කර ඇත.

සැකකරු වයස අවුරුදු 36ක් වන 442 අම්බාල්කුලම්, කිලිනොච්චි ලිපිනයේ පදිංචිකරුවෙකි.

සැකකරු පදිංචි ලිපිනය පිහිටි කිලිනොච්චිය පොලිස් ස්ථානය දැනුවත් කර මොහු පිළිබඳ වැඩිදුරටත් විමර්ශනය කිරීමේදී ඉහත ලිපිනයේ පිහිටි නිවසේ සඟවා තිබියදී ගිනිඅවි පුරන ද්‍රව්‍ය සහ තවත් සැක සහිත උපකරණ රාශියක් සොයාගෙන ඇත.

සැකකරු හිටපු එල්ටීටීඊ සාමාජිකයකු බවට අනාවරණය වී ඇති අතර මෙම උප උපකරණ සොයාගත් නිවසේ පදිංචිව සිටි සැකකරුගේ බිරිඳ සහ සහෝදරිය වශයෙන් හඳුනාගත් වයස අවුරුදු 23 ක හා 28ක කාන්තාවන් ද දෙදෙනකු ද පොලීසිය විසින් අත්අඩංගුවට ගෙන ඇත.

සැකකරු වැඩිදුර විමර්ශන සඳහා ත්‍රස්ත විමර්ශන කොට්ඨාශයට භාරදීමට නියමිතව ඇත.