රජීව් ගාන්ධි ඝාතනය ගැන රාහුල් කථා කරයි

0
17

එල් ටී ටී ඊ මරාගෙන මැරුණු බෝම්බකාරිනියක් විසින් තම පියා ව ඝාතනය කිරීම සම්බන්ධයෙන් තමාට දුකක් ඇතිවුව ද තමා එම ඝාතකයින්ට සමාව දුන්බව ඉන්දීය කොංග්‍රස් පක්ෂ නායක රාහුල් ගාන්ධි පවසයි.

මැතිවරණ රැස්වීමකට එක්වීමට ගොස් සිටියදී 1991 වසරේදී ධනු නමින් හැඳින්වූ එල් ටී ටී ඊ මරාගෙන මැරුණු බෝම්බකාරිනියක් විසින් හිටපු ඉන්දීය අගමැති රජීව් ගාන්ධි ව ඝාතනය කරන ලදි.

පුදුචේරි හි පිහිටා ඇති භාරතීදාසන් කාන්තාවන් සඳහා වූ රජයේ විද්‍යාලයේ පැවති උත්සවයකදී සිසුවියන් සමග අදහස් හුවමාරු කරගනිමින් ඔහු පැවසුවේ තම පියා ව ඝාතනය කිරීමෙන් පසු ඔහු විවිධ කටුක අත්දැකීම්වලට මුහුණදුන් බවය.

කලහකාරීත්වය තේරුමක් නොමැති දෙයක් බව ඔහු පැවසීය.

“මට කා ගැනවත් වෛරයක් නෑ. මට මගේ තාත්තා නැතිවුණා. ඇත්තටම ඒක මහ අමාරු කාලයක්. එය යමෙක් ඔබගේ හදවත කපලා එළියට ගත්තා වගේ. මට දැනුනේ පුදුම වේදනාවක්. නමුත් මට වෛරයක් නෑ. මට ක්‍රෝධයක් නෑ. මම සමාව දුන්නා.”