මුහුණු පොත හරහා කළ ජාවාරමක්

0
29

යතුරුපැදි සහ ත්‍රිරෝද රථ සොරකම් කර අලෙවි ජාවාරමක නිරත වූ සංවිධානාත්මක කණ්ඩායමක පුද්ගලයින් සිව් දෙනෙකු ගම්පහ පොලීසිය විසින් අත්අඩංගුවට ගෙන තිබේ.

ගම්පහ පොලීසියට ලද තොරතුරක් මත සිදුකළ වැටලීමකදී මෙම සැකකරුවන් අත්අඩංගුවට ගෙන ඇති බව පොලීසිය සඳහන් කළේය.

මොවුන් විසින් කඳාන, ජා ඇළ සහ වත්තල යන ප්‍රදේශවල යතුරුපැදි සහ ත්‍රිරෝද රථ සොරකම් කර ඒවාට ව්‍යාජ අංක තහඩු යොදා අඩු මුදලට වෙනත් පුද්ගලයින්ට අලෙවි කර ඇති බව පොලීසිය සිදුකළ මූලික විමර්ශනවලින් අනාවරණය වී තිබේ.

එලෙස සොරකම් කරන ලද යතුරුපැදි 13ක් සහ ත්‍රිරෝද රථ 03ක්ද පොලීසිය විසින් සොයාගෙන ඇති බව සඳහන්ය.

අත්අඩංගුවට ගත් සැකකරුවන් ෆේස්බුක් පිටුවක් යොදාගනිමින් අඩු මිලට යතුරුපැදි අලෙවි කරන බවට සඳහන් කර මෙම ජාවාරම සිදුකර ඇති බව පොලීසිය සඳහන් කළේය.