මියන්මාර විරෝධතාකරුවන් පොලීසිය හා ගැටේ

0
213

මියන්මාරයේ විරෝධතාවල නිරත වූ පුද්ගලයින් 27 දෙනෙකු අත්අඩංගුවට ගෙන තිබේ.

එහිදී විරෝධතාකරුවන්ට ජල ප්‍රහාර හා රබල් උණ්ඩවලින් වෙඩි තැබීම් ද වාර්තා වී ඇතැයි විදෙස් මාධ්‍ය වාර්තා කළේය.

පසුගියදා මියන්මාර නායිකා අවුන් සාන් සුකී ඇතුළු දේශපාලනඥයින් අත්අඩංගුවට ගෙන එරට හමුදාව විසින් රටේ පාලනය සිය භාරයට ගත්තේය.

හමුදා පාලනයට එරෙහිව විරෝධය පළ කරමින් දහස් ගණනක් පිරිසක් මියන්මාරයේ නගර රැසක විරෝධතාවයේ නිරත විය.

විරෝධතා අතරතුර ආරක්ෂක අංශ සමඟ පැවති ගැටුම්කාරී වාතාවරණය අතරතුරදී විරෝධතාකරුවන් අත්අඩංගුවට ගෙන තිබේ.

කෙසේවෙතත් තවදුරටත් මියන්මාරයේ විරෝධතා පැවැත්වෙන බව විදෙස් මාධ්‍ය වාර්තා කළේය.