මැතිවරණයට විදේශීය නිරීක්ෂකයින් පැමිණෙන්නේ නැහැ- පැෆරල්

0
132
විදෙස් ගමන් අවහිර වීමහේතුවෙන් මෙවර මැතිවරණයට විදේශීය නිරීක්ෂකයින් නොපැමිණෙන බවත්, නමුත් ඔවුන් මැතිවරණය ගැන අධ්&zwj;යයනයක නිරත වෙන බවත් පැෆරල් සංවිධානයේ විධායක අධ්&zwj;යක්ෂ රෝහණ හෙට්ටිආරච්චි මහතා ප්&zwj;රකාශ කළේය.</p>
<p>ඔහු මේ බව පැවසුවේ ඊයේ (03) පැවති මාධ්&zwj;ය හමුවකදී මාධ්&zwj;යවේදියෙකු නැගූ පැනයකට පිළිතුරු ලබාදෙමිනි.</p>
<p>ඔහු පවසන පරිදි මෙවර මැතිවරණයෙහි නිරීක්ෂණ කටයුතු සදහා යුරෝපා සංගමයත්, ආසියානු මැතිවරණ නිරීක්ෂණ ජාලයත් වශයෙන් විදේශීය නිරීක්ෂණ කණ්ඩායම් දෙකක් පැමිණීමට සූදානම්ව සිට ඇති අතර එම සංවිධාන දෙකම මැතිවරණ කොමිෂන් සභාවත් සමග සාකච්ඡා කර අවශ්&zwj;ය ක්&zwj;රියාමාර්ග ද ගෙන ඇත.</p>
<p>නමුත් අවාසනාවකට ප්&zwj;රායෝගික ගැටලු කිහිපයක් මතුවූ අතර, විශේෂයෙන්ම ගුවන්යානා ගමන් අවහිර වීම හේතුකොට ගෙන ජාත්&zwj;යන්තර නිරීක්ෂකයන්ට ලංකාවට පැමිණීම පිළිබදව ගැටලුවක් මතුවූ බවත් රෝහණ හෙට්ටිආරච්චි මහතා ප්&zwj;රකාශ කළේය.</p>
<p>යුරෝපා සංගමය සහ ඇන්ෆර්ල් ආයතනය පැමිණීමට සැලසුම් කර තිබූ අතර, අවසන් මොහොතේ මෙම ආයතන දෙකේම මුළු සංඛ්&zwj;යාවම නැතිව යම් අවම සංඛ්&zwj;යාවක් රැගෙන ඒමට සැලසුම් සකස් කර තිබිණි. නමුත්, ගුවන්යානා ගැටලුව හේතුවෙන් ඔවුන්ටද පැමිණීමට නොහැකි විය.</p>
<p>නමුත් ඇන්ෆර්ල් ආයතනය මෙවර මැතිවරණය පිළිබදව කිසියම් අධ්&zwj;යයනයක නිරත වන බවට වාර්තා වී ඇතැයි ද රෝහණ හෙට්ටිආරච්චි මහතා පැවසුවේය. ලංකාවේ විශේෂඥයින් සහ රට තුළදී හදුනාගත් විදේශීය විශේෂඥයින් කීපදෙනෙක් සම්බන්ධ කරගනිමින් මෙම මැතිවරණය කෝවිඩ් 19 තත්ත්වය තුළ ශ්&zwj;රී ලංකාව ජයගන්නේ කෙසේද, මැතිවරණය පැවැත්වූයේ කෙලෙසද, ඒ සදහා පැවති බාධක මොනවාද, එම බාධක ජයගත්තේ කෙලෙසද යන කරුණු පිළිබදව ඔවුන් අධ්&zwj;යයනය කරන බවත් ඔහු පැවසුවේය. එමෙන්ම ඊට අදාළ වාර්තාවක් බොහෝ විට මැතිවරණය අවසන් වූ වහාම ලබාගැනීමට හැකිවනු ඇති බව ද ප්&zwj;රකාශ කළේය.