පැය 4කට පසු රනිල් යයි

0
28

ප්‍රකාශයක් ලබාදීම සඳහා පාස්කු කොමිසමේ පොලිස් ඒකකය වෙත පැමිණි හිටපු අගමැති රනිල් වික්‍රමසිංහ මහතා පැය 4කට පසු එම ස්ථානයෙන් පිටව ගිය බව අප වාර්තාකරු පවසයි.

මේ අතර ප්‍රකාශයක් ලබාදීම සඳහා හිටපු පාර්ලිමේන්තු මන්ත්‍රී අකිල විරාජ් කාරියවසම් මහතා ද අද (31) පාස්කු ඉරුදින ප්‍රහාර සම්බන්ධයෙන් සොයාබැලීමට පත්කළ ජනාධිපති කොමිසමේ පොලිස් ඒකකය වෙත පැමිණියේය.

ඔහු එහිදී පැය දෙකක් පමණ ප්‍රකාශය ලබා දී තිබිණ.

පසුගිය අගෝස්තු 26 වන දින පැය 9ක කාලයක් හිටපු ජනාධිපති මෛත්‍රීපාල සිරිසේන මහතාගෙන් ද ප්‍රකාශයක් සටහන් කර ගත්තේය.

ඒ හිටපු ජනාධිපතිවරයාගේ කොළඹ, පැජට් පාරේ පිහිටි නිවසේ දීය.

පොලිස් ඒකකය හමුවට තමාට පැමිණීමට නොහැකි බව මෛත්‍රීපාල සිරිසේන මහතා විසින් දැනුම් දිමෙන් අනතුරුව මෙලෙස එම නිලධාරීන් ඔහුගේ නිවසට ගොස් තිබිණි.