ඩොලරයේ අගය රුපියල් 200 දක්වා ඉහළ යෑම නවත්වන්න බෑ

0
383

රජය ගෙනයන ආර්ථික ප්‍රතිපත්ති හේතුවෙන් ඩොලරයේ අගය රුපියල් 200 දක්වා ඉහළ යාම වැළැක්වීමට නොහැකි බව එක්සත් ජනතා නිදහස් සන්ධාන පාර්ලිමේන්තු මන්ත්‍රී බන්දුල ගුණවර්ධන මහතා පවසයි.

මුදල් අමාත්‍යංශය විසින් මහජනතාවගේ මුදල් අවිධිමත් ලෙස පරිහරණය පිළිබඳව තොරතුරු දැනගැනීමේ පනත යටතේ තොරතුරු ලබා ගැනීම සඳහා මන්ත්‍රීවරයා අද (28) මුදල් අමාත්‍යංශය වෙත පැමිණ සිටියේය.

එම අවස්ථාවේ මාධ්‍යවේදින් නැගු ප්‍රශ්නවලට පිළිතුරු ලබා දෙමින් මන්ත්‍රීවරයා මේ බව ප්‍රකාශ කළේය.

සිංගප්පුරු නිදහස් වෙළඳ ගිවිසුම ක්‍රියාත්මක කළහොත් මෙම තත්ත්වය තවත් වර්ධන විය හැකි බව මන්ත්‍රීවරයා එහිදී පැවසීය.

වත්මන් ආණ්ඩුව පාලනයට පැමිණි අවස්ථාවේදි ණය ගෙවිම සඳහා ප්‍රමාණවත් ආදායමක් නොතිබුණ බවට අග්‍රාමාත්‍ය රනිල් වික්‍රසිංහ මහතා කළ ප්‍රකාශ අසත්‍ය බවද මන්ත්‍රිවරයා පැවසීය.

පසු ගිය ආණ්ඩු සමයේදි ණය වාරික ගෙවිමෙන් පසු ආදායමෙන් යම් මුදල් ප්‍රමාණයක් ඉදිරි වු බවදට මන්ත්‍රීවරයා වැඩිදුරටත් අදහස් පළ කළේය.