උදේ වෙනකොට ගණන් බලබල ඉන්න හිතුනේ නෑ ඇඳේ අනිත් පැත්තට රෝල් වෙලා නිදා ගත්තා – මංගල

0
21

සිංහල බෞද්ධ මතවාදය අසාර්ථක වී ඇති පසුබිමක විපක්ෂයේ ඇතැමුන් සිංහල බෞද්ධ ආණ්ඩු පිහිටුවීමට උත්සහ දරන බව හිටපු අමාත්‍ය මංගල සමරවීර මහතා පවසයි.

“නැවුම් අපේක්ෂාවේ අලුත් ඇරඹුම” නමින් මාතර පැවති සම්මන්ත්‍රණයකට එක්වෙමින් ඔහු මේ බව සඳහන් කළේය.

මෙහිදී වැඩිදුරටත් අදහස් දැක්වු මංගල සමරවීර මහතා,

“ජනාධිපතිවරණයක් තිබුණා මම නියෝජනය කරන කඳවුරත් එම කඳවුරේ අපේක්ෂකයාත් ඒ හරහා මමත් අන්ත පරාජයකට පත්වුණා. පැරදුනා විතරක් නෙමෙයි අන්තිමට උදේ වෙනකොට ගණන් බලබල ඉන්න හිතුනේ නෑ. ඇඳේ අනිත් පැත්තට රෝල් වෙලා නිදා ගත්තා. කෙසේවෙතත් අපේ අනිත් අපේක්ෂකයාට විශාල විශිෂ්ට ජයග්‍රහණයක් ලබාදුන්නා. පත්කර ගත්තාට පස්සේ පාර්ලිමේන්තුවේ තුනෙන් දෙක ඉල්ලුවා. ඒකත් මේ තියෙන මැතිවරණ ක්‍රමය නිසා තමයි තුනෙන් දෙකක් ලැබුණේ. ආසන ක්‍රමය බැරිවෙලාවත් තිබුණා නම් ජේ.ආර් ජයවර්ධනටත් වඩා වැඩියෙන් ශක්තිමත් පාර්ලිමේන්තුවක් ගෝඨාභය රාජපක්ෂට ලබාදීලා ඉතාමත් ශක්තිමත්, බලවත් ආණ්ඩුවක් හා ජනාධිපතිවරයෙක් අපිට ලැබිලා තියෙනවා. දැන් ඡන්දේ ඉවර වෙලා මාස 4යි. දැන් “සර් ෆේල් “ කියලා හිතාගෙන විපක්ෂයේ ඉන්න සමහරුත් දැන් ඒ සර්ගේ සපත්තු දෙකට බැහැලා, සර්ට වඩා හොඳ සිංහල බෞද්ධ ආණ්ඩුවක් කරගෙන යන්න තමන්ට පුළුවන් කියලා, විපක්ෂයේ සමහරුත් අලුත් ඇඳුම් මහනවා, දත් මදිනවා. හැබැයි මිත්‍රවරුනි මම කියනවා. “සර් නෙමෙයි ෆේල්“ සර් නියෝජනය කරන මතවාදයයි මේ වෙලාවේ ෆේල්වෙලා තියෙන්නේ. අපේ මතවාදය වෙනස් නොකර ගෝඨාභය වෙනුවට වෙන කෙනෙක් ගෙනාවත් ඔය කතාවමයි ඉස්සරහට ඇදිලා යන්නේ. අවශ්‍ය වෙන්නේ ලිබරල් ප්‍රජාතන්ත්‍රවාදය.“