ඇමෙරිකන් ක්‍රීඩිකාව රුසියාවේ හිරේ

0
13
US WNBA basketball superstar Brittney Griner arrives to a hearing at the Khimki Court, outside Moscow on June 27, 2022. - Griner, a two-time Olympic gold medallist and WNBA champion, was detained at Moscow airport in February on charges of carrying in her luggage vape cartridges with cannabis oil, which could carry a 10-year prison sentence. (Photo by Kirill KUDRYAVTSEV / AFP) (Photo by KIRILL KUDRYAVTSEV/AFP via Getty Images)

නීතිවිරෝධී මත්ද්‍රව්‍ය රුසියාව තුලට රැගෙන ඒමට තැත් කිරීම සම්බන්ධයෙන් වැරදිකාරිය වූ ඇමෙරිකන් කාන්තා බාස්කට් බෝල් කණ්ඩායමේ ක්‍රීඩිකා 31 හැවිරිදි බ්‍රිට්නි ග්‍රිනර් හට වසර 9 මාස 6 ක සිර දඬුවමක් සහ රුසියානු රූබල් මිලියනයක දඩයක් රුසියානු අධිකරණයක් නියම කර ඇතැයි විදෙස් මාධ්‍ය වාර්තා කළේය.

රුසියාවේ තහනම් කරන ලද හෑෂ් ඔයිල් කාට්‍රිජ බ්‍රිට්නි ග්‍රිනර් ගමන් මල්ලේ තිබීම නිසා රුසියානු ගුවන් තොටුපොලකදී ඉකුත් පෙබරවාරි 17 වැනිදා රුසියානු බලධාරීන් ඇය අත්අඩංගුවට ගත්තේය.

නඩු විභාගයේදී බ්‍රිට්නි ග්‍රිනර් වරද පිළිගත් අතර හඬා වැටෙමින් ඇය පවසා ඇත්තේ හෑෂ් ඔයිල් කාට්‍රිජ තමන් කලබලයෙන් ගමන් මලු සූදානම් කරගන්නා අවස්ථාවේ අහඹු ලෙස දමා ගත් බවයි.එය තමන් සිතාමතා කල දෙයක් නොවන බව ඇය වැඩි දුරටත් ප්‍රකාශ කළාය.

රුසියාවේදී හෑෂ් ඔයිල් කාට්‍රිජ ළගා තබා ගැනීමේ වරදට දිය හැකි උපරිම දඬුවම අවුරුදු 10 ක් බව විශ්ලේෂකයෝ පෙන්වා දෙති.

බ්‍රිට්නි ග්‍රිනර් අයුක්ති සහගත ලෙස සිරගත කර ඇතැයි ඇමෙරිකාව නිවේදනයක් නිකුත් කරමින් ප්‍රකාශ කළ අතර රුසියානු බලධාරීන් පැවසුවේ නීතිය කාටත් එක හා සමාන බවයි.

ඇනා සොට්නිකෝවා විනිසුරුවරිය බ්‍රිට්නි ග්‍රිනර් දඬුවම ප්‍රකාශයට පත් කිරීමට නියමිත බව රුසියානු මාධ්‍ය වාර්තා කළේය.