ආණ්ඩු පක්ෂ මන්ත්‍රීවරු පාර්ලිමේන්තු රැස්වීම වර්ජනය කරති

0
318

අද (27) දහවල් පැවැත්වෙන පාර්ලිමේන්තු රැස්වීමට සහභාගී නොවීමට ආණ්ඩු පක්ෂ මන්ත්‍රී කණ්ඩායම තීරණය කර ඇත.

අගමැති මහින්ද රාජපක්ෂ මහතාගේ ප්‍රධානත්වයෙන් අද දහවල් පාර්ලිමේන්තු සංකීර්ණයේ පැවති ආණ්ඩු පක්ෂ මන්ත්‍රී කණ්ඩායම් රැස්වීමේදී මෙම තීරණය ගෙන තිබේ.

කතානායක කරු ජයසූරිය මහතා පක්ෂග්‍රාහීව කටයුතු කරන බවට චෝදනා කරමින් ආණ්ඩු පක්ෂ මන්ත්‍රී කණ්ඩායම මෙම තීරණය ගෙන ඇත.

පාර්ලිමේන්තු රැස්වීමට සහභාගී නොවනවා සේම පාර්ලිමේන්තු මන්ත්‍රී භෝජනාගාරයෙන් අද දිනයේ දිවා භෝජනය නොගැනීමට තීරණය කළ බව පාර්ලිමේන්තු මන්ත්‍රී ලක්ෂ්මන් යාපා අබේවර්ධන මහතා ප්‍රකාශ කළේය.

මන්ත්‍රීවරුන්ගේ දිවා භෝජනය සඳහා වැයවන මුදල කතානායකවරයාගෙන් අය කර ගන්නා ලෙස ඉල්ලීමක් කිරිමට ද මන්ත්‍රී කණ්ඩායම තීරණය කළ බව ඔහු කීවේය‍.